Fruahjoahrsfreid
Dos ersti Bleamerl, wann i denk,
is für mi a großes Geschenk.
Dos Schneeglöckerl is dos ersti wull,
dos vom Fruahjoahr kündn sull.
Und is da Boudn a nou tiaf gfrert,
do kemman d’Primln aus da Erd,
lossn sie vom Froust nit schreckn,
wanns a intan Schnee miaßn steckn.
Dos Veilchen oba, költnschei,
woart lieba bis do is da Mai.
Es zoag erst daonn sein scheanstes Gwaond,
wann d’aondern Bleamerln san banaond.
Ma mog den Lenz fost nit dawoart’n,
im März scho wüll ma aus in Goartn.
In Graz und Weiz die Bam scho blüahn,
bei uns is’s spot, do tuats nou gfriarn.
Oba bold is’s do die scheani Zeit,
wenns grean wird und da Kuckuck schreit.
Dos Herz wird weit und olles sing,
wals Fruahjoahr durch mei Heimat kling.
(c) Agnes Spitzer
Über mich
- LaColada
- "There was a time when all inspiration came out of words and all precious was written When we lay under trees and wished for the sun to stay" Literatur = „Die Kunst, Außergewöhnliches an gewöhnlichen Menschen zu entdecken und darüber mit gewöhnlichen Worten Außergewöhnliches zu sagen." (Pasternak)
1 Kommentare:
Der liebe Daniel hat uns freundlicherweise 2 Mundartgedichte seiner Oma Agnes zur Verfügung gestellt, mit den Worten: "jetzt hots mei liabe oma nu ins internet gschofft." Bitte lesen, unglaublich gut!
Kommentar veröffentlichen